Die fisiologiese en patologiese impak van die kruisdood van Jesus
Die belangrikste patofisiologiese gevolg van kruisiging was 'n belemmering van normale asemhaling - veral uitaseming. Die gewig van die liggaam wat trek aan die uitgestrekte arms en skouers, neig om die spiere tussen die ribbes te fikseer. Uitaseming, wat gewoonlik 'n passiewe proses is, word veral beinvloed. Die asemhaling word vlak en koolsuurgas hoop op. Dit lei tot krampe en selfs sametrekkings wat asemhaling nog verder belemmer.
Om uit te asem, moet die liggaam opgelig word deur op te druk op die voete. Hierdeur word die hele liggaamsgewig op die voete geplaas - wat erge pyn sou veroorsaak. Dit veroorsaak verdere pyn as die rou rug teen die paal geskuur word. Elke asemhalingspoging is pynlik en put die slagoffer verder uit. Mettertyd lei dit tot versaking van die asemhalingsisteem.
Die werklike oorsaak van Jesus se dood kan nie aan 'n enkele faktor toegeskryf word nie. Dit was 'n kombinasie van bloedverlies (as gevolg van die geseling), uitputting, asemhalingsversaking en hartversaking. Moontlik was 'n ritmestoornis van die hart verantwoordelik vir die finale katastrofiese gebeurtenis.
Oorspronklik geskryf deur Dr Coen Slabber.
Die volledige artikel kan op www.bybelkennis.co.za gelees word.
- Besonderhede
Jakaranda Kinderhuis - Huis 4
Goeie dag almal
Ons wou al lankal 'n briefie tik, maar ek moet sê die eerste 2 maande hier by Huis 4 was nogal besig. Dinge lyk my begin darem nou meer 'n roetine vorm so ek en Ben het dit goed gedink om op 'n meer gereelde basis so 'n opdatering van wat hier gebeur aan te stuur.
Dinge is definitief aan die verbeter. Ons het paar veranderinge ondergaan en hard gewerk om die huis lekker te maak vir almal, maar daar is nog baie harde werk wat voorlê. Ek kan alreeds baie dankie sê vir elkeen wat ons al so ondersteun het met tyd, raad, gebede en bydraes. Daar is nie 'n manier dat ons hierdie pragtige kinders wat God aan ons toevertrou het 'n tuiste voor kan skep andersins nie.
Ons het al 'n lekker braai of twee gehou, gaan fliek met die "gang" wat gewen het vir netheid en werk daagliks daaraan om die huis al mooier te kry. Dissipline en liefde is natuurlik bo aan die lys en neem baie tyd en energie elke dag.
Vir Maart beplan ons twee tuinbou dae wat Michael van Rietfontein-Suid gemeente vir ons reël. Ek wil ook nog meer aandag aan skoolwerk bestee, want ons het wonderlike talentvolle seuns wat net die ondersteuning nodig het om uit te styg na ongelooflike hoogtes.
Ons onmiddellike behoeftes is natuurlik altyd eerste gebed en nogmaals gebed. Ons staan meestal verdwaas met God se onbeskryflike genade. Ons is ook bly dat ons 'n wonderlike maatskaplike werker, naamlik Marna gekry het om mee saam te werk. Haar liefde en opoffering vir die kinders is enorm en ook sy het baie gebed en bystand nodig.
Ons donateur vir vleis is weggeneem so ons benodig mense wat bereid is om maandeliks vir spesifiek vleis by te dra. Joe, die seuns eet baie! Veral na hulle aktief met sport besig was. Rudie by Dia Gloria slaghuis onderneem om ons uitstekende pryse te gee vir hul baie goeie gehalte vleis, so ons beplan om by hulle 'n debiet rekening oop te maak.
En dan is daar altyd skoolaktiwiteite, uitstappies, sportklere, tokse ens. wat die kinders nodig het. Ons wil nie graag hê dat hulle uitverloor op sulke geleenthede nie. Dankie, ook vir die kere wat julle hier help!
Op lang termyn beplan ons 'n braai te bou en ook die stoep uit te bou met 'n dak oor. Daar wil ons 'n lekker leef en speel area vir die kinders maak met 'n pool tafel, veerpyltjies ens.
Dit is dan eers al vir nou. Bid asseblief ook vir ons gesin. Dat die aanslae wat deur elke seun in die huis inkom afgebid kan word. Ons het baie genade, geduld, wysheid en energie nodig.
Jesus seën jou en jou gesin.
Ben en Christien Viljoen
- Besonderhede
Liewe Ou (Gemeentelid) Maat
Die erediens is pas verby; moet sê ek het lanklaas 'n erediens met soveel gemengde gevoelens beleef, deels oor alles wat hier gebeur het, maar veral omdat jy al weer om een of ander rede nie hier kon wees nie.
Daar is so baie dinge wat ek graag met jou wil deel, maar jy kom so ongereeld dat ons nooit met mekaar hieroor openhartig kan wees nie, daarom het ek maar besluit om vir jou hierdie brief te skryf.
Ek is die leë kerkbank waarop jy veronderstel is om Sondae te sit. Weet jy hoe goor is dit as al die plekke hier om 'n ou vol is, net nie joune nie omdat jou (gemeentelid) maat iewers is met die "sy beste" verskonings. As jy nie besig is om al die verlore slaap in te haal na 'n oorgeorganiseerde week nie; sukkel jy om te herstel na gisteraand se laataand TV of laatnag partyjies; of gister se groot rugby wedstryd op Loftus.
Ag, ek wil nie soos 'n klakous klink nie, maar as 'n mens so baie tyd alleen het dwaal die gedagtes maar, en ek kan nie help om te wonder wat jou eintlike rede is waarom jy nie regtig meer wil kom nie, want al die ou verskoninkies wat jy elke keer uitdink klink maar bra flou. Want jy sien, ek het al gehoor hoe die mense vertel van hoe jy jou bes probeer doen en tussen jou pêlle is, iemand wat altyd sy afsprake in die week en veral Saterdae nakom. Want 'n man wat nie sy afsprake kan nakom nie, word maklik deur die groep verwerp as iemand wat nie "true" kan wees nie. Maar wat dan nou van Sondag se afspraak, wat die Here met jou gemaak het, om Hom hier te kom ontmoet, is dit nie net so belangrik om na te kom nie. Want 'n ou wat nie Sondag sy afsprake nakom met die Here nie, sal dit beslis in die week ook nie doen nie, trouens, dit kan so erg raak dat jy naderhand dink jy kan sonder die Here klaarkom, wanneer dit jou pas.
Maar nou ja, wie's ek nou eintlik om vir jou 'n gewete te probeer wees, ek is immers net die leë, harde kerkbank waarop jy veronderstel is om elke Sondag te sit; jy's die verantwoordelike en aanspreeklike een. Laat my dink aan die dag toe jou ouers hier met jou doop belowe het dat hulle jou sal grootmaak om te verstaan wat dit beteken om aan die Here te kan behoort; en die dag toe jy jare later self hier beloof het dat jy die Here ken en liefhet, selfs belowe het om jou kant van nou af in die gemeente te bring waar jy moet. Kan jy dit nog onthou, of het jy nou 'n "ja-broer" geword wat "nee-begin-lewe" het.
Dankie dat jy darem bereid was om tot sover nog te bly lees; ek gaan jou nie langer vermoei nie, daarom sluit ek die brief met 'n Engelse gediggie wat ek êrens raakgeloop het:
No Time
I knelt to pray, but not for long,
I had too much to do,
Must hurry off and get to work
for bills would soon be due.
And so I said a hurried prayer,
jumped up from off my knees.
My christian duty now was done,
my soul could be at ease.
All through the day I had no time
To speak a word of cheer.
No time to give to those in need,
They''d laugh at me I feared.
No time, no time too much to do,
That was my constant cry.
No time to give to those in need,
At last ''twas time to die.
And when before the Lord I came,
I stood with downcast eyes,
within his hands He held "The Book"
it was the "Book of Life".
God looked into His book and said:
"Your name I cannot find,
I once was going to write it down,
but never found the time".
Groetnis
Jou Kerkbank
skrywer onbekend
- Besonderhede