Saam met God by die werk
7. Dien God met jou Inkomste
Die geld en besittings wat ons bymekaarmaak, kom van die Here af.
Daarom behoort alles wat ons besit in die eerste plek aan Hom.
Die Bybel gee die riglyn dat ons een tiende van ons inkomste as offer aan die Here moet gee vir die ondersteuning van sy werk.
God het 'n blymoedige gewer lief.
Lees:
- Deuteronomium 14: 22 - 23
- Lukas 11: 42
- Markus 12: 41 - 44
- 2 Korinthiërs 9: 6 - 9
Bron: Bybelgenootskap van Suid-Afrika
- Besonderhede
Saam met God by die werk
6. Rus Gereeld
Jy kan ook te veel probeer doen. Jy sloof jou af, verwaarloos jou persoonlike verhoudings en raak vasgevang in 'n nimmereindigende dolle gejaag.
Jy kan later verleer om te rus en selfs skuldig voel wanneer jy nie werk nie. Die ritme van werk met gereelde rustye tussenin is sedert die skepping vasgelê.
Om te kan rus, wys dat jy nie 'n slaaf van jou werk is nie. Diegene wat hulle nie aan hierdie beginsel steur nie, sal nie enduit kan presteer nie.
As God gerus het, waarom sal ons dan nie sy voorbeeld volg nie?
Lees:
- Genesis 2: 1 - 3
- Eksodus 20: 8 - 11
- Eksodus 23: 12
- Eksodus 34: 21
Bron: Bybelgenootskap van Suid-Afrika
- Besonderhede
Saam met God by die werk
5. Bou Goeie Verhoudings
Ons hoor dikwels dat werknemers 'n maatskappy se grootste bate is. Daarom is die verhoudings tussen mense in die werkplek van uiterste belang.
Arbeidsonrus en ongemotiveerde werknemers kos die ekonomie jaarliks miljoene rande. Aan die ander kant is goeie arbeidsverhoudings die grondslag van 'n stabiele en winsgewende organisasie.
Hiervoor is wedersydse vertroue en respek nodig, asook die besef dat almal - werkgewer en werknemer (eienaar en slaaf in die tyd van die Bybel) - onder die gesag van die Here staan.
Hy verwag van werknemers om elke dag hard te werk en billike vergoeding te ontvang.
Lees:
- Levitikus 19: 13
- Deuteronomium 24: 14 - 15
- Efesiërs 6: 5 - 9
- Spreuke 27: 18
- Hebreërs 13: 5 - 6
- Filippense 4: 11
Bron: Bybelgenootskap van Suid-Afrika
- Besonderhede