NG Gemeente Rietfontein-Suid

Ons Gee Om

Omgeebediening

Dit is die bediening wat die omgeegroepe ondersteun en organiseer.

Omgeegroepe is in hierdie gemeente die primêre "voertuig" van bediening en versorging!

Navrae

Wees 'n nuutgemaakte vrou

Wees 'n Nuutgemaakte Vrou

'n Bybelstudie met lewensbeginsels uit die saligsprekinge van Jesus

Liewe Vrou,

Ons nooi julle om saam met ons die pad te loop en ons totale afhanklikheid van ons Here te ontdek. Ons stap die pad deur die saligsprekinge van Jesus in Matteus 5 na 'n lewe van vreugde en seën in hierdie aardse lewe, maar ook in die hemel.

 

Ons gebruik "Wees 'n Nuutgemaakte Vrou" geskryf deur Barbara Henry:

  • Wat beteken dit om te weet hoe nodig 'n mens God het?
  • Hoe kan ek 'n vredemaker wees?
  • Hoe kan ek 'n vrou wees wat bekend is vir my hart wat op God gerig is?
  • Gelukkig is diè mense wat weet hoe nodig hulle God het ...
  • Gelukkig is die treurendes ...
  • Gelukkig is diè wie se harte volkome op God gerig is ...

Navrae:

Elsa van Eck

082 468 0722

Kom sluit by ons aan op Woensdag aande 19:00 tot 20:00

 

Tien jaar

Tien jaar: 'n omgeegroep getuienis

Ons omgeegroep betaan al ongeveer tien jaar en dit het absoluut 'n integrale en lewensnoodsaaklike deel van ons lewe geword. Dit is fantasties om so ’n intieme kring van geloofsgenote as jou vriende te kan hê. Ons het saam met mekaar ervaar hoe ons in geloof nader aan Jesus en mekaar groei. Ons deel so alles in die lewe met mekaar en almal is daar vir mekaar in tye van krisisse en nood. Saam bid ons vir mekaar en saam ervaar ons keer op keer die vreugde van gebedsverhoring in werkskrisisse, verhoudingsprobleme, traumatiese gebeure en ons alledaagse behoeftes. Dis so lekker om saam as 'n selgroep in die gemeente se aktiwiteite deel te neem waar ons almal mekeer heelhartig ondersteun. Ons kuier saam, lag saam, huil saam en is elke dag daar vir mekaar om te help, bemoedig, ondersteun of om maar net daar te wees. Ons weeklikse byeenkomste is vir ons ’n hoogtepunt en dis wonderlik om te ervaar hoe almal as een familie deelneem. Selgroepe is 'n MOET vir geestelike groei en om jou volle potensiaal in Christus te bereik. Dankie aan al my selgroeplede dat julle my en my gesin so wonderlik ondersteun en help slyp tot geestelike volwassenheid. Ons is lief vir julle.

Gert Kok

 

Familie

Familie: 'n omgeegroep getuienis

My "afspraak" op 'n Woensdagaand het verander na 'n ontmoeting met mense wat vir mekaar omgee. 'n "Ontmoeting" waarna ek elke week uitsien. Ek klim uit my kar en word met soveel hartlikheid gegroet. Wanneer ek die vertrek binnestap word my glimlag al breër want die atmosfeer is gevul met opregte vriendelikheid. Dit gaan nou nie net oor wat ek uit die ontmoeting kan kry nie, maar wat ek miskien vir 'n ander kan beteken. Dit is dalk nie my tyd om deur 'n storm te gaan nie, maar die persoon langs of oorkant my wat deernis en liefde bitter nodig het. Soveel gebede is al verhoor en daar is altyd 'n oor om te luister of 'n drukkie sommer maar net. Ons dra mekaar se laste en vreugdes. Op 'n Sondag skuif daardie bekende gesigte in die kerkbanke in en 'n gevoel van dankbaarheid sit om jou hart dat daardie besondere mense ook deel vorm van jou lewe. My omgeegroep is my familie in Christus!