Uit die Kuierhoekie

'n Gebed

Here, al waai die aandwind van ons lewens en maak die sakkende son van ons aardsbestaan ons aandskaduwees lank voordat hulle vir goed verdwyn. Laat ons enduit wees:

Die edel appelboom tussen die wilde bome van die bos, in wie se skaduwee U verlang om te sit en wie se vrugte soet is vir U verhemelte.

Hooglied 2: 3 - "Soos 'n appelboom onder die bome van die bos, so is my beminde onder die seuns. Ek het verlang om in sy skaduwee te sit, en sy vrugte is soet vir my verhemelte." (1953-vertaling)

Die soet water wat uit U, die fontein van die Lewe, vloei om verlore siele se dors te les.

Johannes 4: 14 - "Maar elkeen wat drink van die water wat Ek hom sal gee, sal in ewigheid nie dors kry nie, maar die water wat Ek hom sal gee, sal in hom word 'n fontein van water wat opspring tot die ewige lewe. (1953-vertaling)

Spreuk

Bekommernisse neem nie die moeilikhede van môre weg nie; dit neem die vrede van vandag weg en versmoor jou moed vir môre deurdat jy versuim om al jou bekommernisse op Hom te werp.

1 Petrus 5: 7 - "Werp al jou bekommernis op Hom, want Hy sorg vir julle." (1953-vertaling)

Oom Piet Barnard

Kuierhoekie