NG Gemeente Rietfontein-Suid
Ons Gee Om
Erediens
Erediens:
9:00
Informele Erediens:
18:00 (geen diens tydens skoolvakansie en langnaweke)
Adres:
h/v Ben Swart Straat en 16de Laan, Rietfontein
Kontak Ons
Maandag - Vrydag:
8:00 - 13:00
Tel. Nommer: 012 331 3531
Faks Nommer: 012 331 0389
Adres:
16de Laan 615, Rietfontein
E-pos:
Gemeente Visie
deur Christus-liefde gee ons
vir almal om:
ons gee om vir mekaar;
ons gee om vir nog-nie-gelowiges;
ons gee om vir noodlydendes.
Nuut Op Die Werf
Die Koffiepot
Hervorming 500
Gemeente Standpunt
Dankoffer Inbetalings
ABSA Bank
Rekeninghouer:
NG Gemeente Rietfontein-Suid
Tak: Ben Swartstraat
Tak Kode: 334 645
Rekening: 090 197 797
Verwysing:
Voorletters, Van en Wyk Nommer
Ondersteuning
Vir geestelike en emosionele ondersteuning, skakel die leraars. Skakel ook in by 'n omgeegroep.
Doopkategese
Voodat doopkategese kan plaasvind moet u die vorige Maandag (week voor doopkategese) registreer by die kerkkantoor.
Bring asseblief u huweliksertifikaat en geboortesertifikaat saam wat u weer kan terugneem.
Die vorms en kopie van die dokumente moet asseblief die Dinsdag (week voor doopkategese) terug by die kantoor wees.
Onthou dat u attestate by ons gemeente moet wees om u kind ten doop te bring.
Sien ons Gemeente Kalender vir doopkategese datums.
Vir verdere navrae, sien Kontak Ons.
Nuwe Lidmate
Ons is opgewonde om nuwe lidmate, vriende en besoekers te verwelkom met die liefde van Jesus Christus. Neem asseblief kennis dat Ds Petro Jonker en die Geestelike leiers jou graag wil ontmoet, leer ken en besoek. Ten einde dit moontlik te maak, moedig ons jou vriendelik aan om asseblief kontak te maak met ons. Dit is noodsaaklik dat jy jouself aanmeld, want dit gee ons die vrymoedigheid om jou te kan kontak en besoek. Jy is baie welkom by ons!
Vir verdere navrae, sien Kontak Ons
CD's en DVD's
CD's en DVD's van elke Sondag se eredienste en dope is beskikbaar en kan bestel word by die MI-Toonbank na afloop van die erediens.
Terug kyk
As ek terug kyk het hierdie reeks my verhoudinge met my medemens verdiep en my elke dag bewus gemaak van ander mense en hulle behoeftes; dat ek moet stop; stil word en rondom my kyk, veral kyk met JESUS oë.
---
Ons 1ste keer by die omgeegroep was deels vreemd maar ook opwindend! Met ope arms en harte vol liefde is ons ontvang en skielik het die r12 baie sin gemaak. God is liefde, getuig ons harte. Krisisse wat opgeduik het, het gedreig om ons weg te dryf maar elke keer was Sy genade te groot en kon ons bewus word van Sy alom teenwoordigheid!
Vorentoe kyk, waarheen nou?
Ek wil graag met my mede selgroep maats, oues en nuwes ‘n pad stap, en ons het ook besluit om nie te stop nie; maar om definitief gereeld bymekaar te kom.
Ons wil betrokke bly by 'n persoon wat ons kan help, en nie op hou daarmee nie; maar aangaan!
Om mekaar te bly ondersteun en te bid vir mekaar!!
Om te poog om elke dag 'n Romeine 12 Christen te wees en ware spiritualiteit volgens Jesus uit te leef!
Elim omgeegroep tydens r12
Red-'n-kind-in-die-Moot Projek
Ons groepie het 'n dogter by Huis Quanessa geidentifiseer wat kan doen met 'n bietjie spesiale aandag. Sy is tans 17 jaar oud en is verstandelik gestremd. Huis Quanessa is 'n spesiale versorgingseenheid met 'n fokus op kinders met gestremdhede.
Ons het haar op die 12de September gaan besoek. Sy was gretig om drukkies uit te deel.
Al kommunikeer sy moeilik kon ons agter kom sy is in haar hartjie 'n dogtertjie toe sy in een of twee woordjies genoem het dat sy lipstiffie wil opsit en ook "make-up" en krale vir haar nek wil hê.
Opvallend was die boekie wat sy al byna stukkend geblaai het oor die wonderwerke van Jesus. Sy gaan ook kerk toe en sê gereeld die woordjie God en wys met haar handjie na die hemel. Al verstaan sy bitter min, is Jesus deel van haar lewe en glimlag sy die hele tyd.
Ons is van voorneme om op 'n gereelde basis te gaan kuier en net sommer ietsie kleins vir haar persoonlik te neem. Ons is bewus van die feit dat mens haar nie te afhanklik van ons moet maak nie, maar glo dat 'n bietjie ekstra aandag haar hartjie net bly kan maak.
Langnaweek - gemeentekamp!
Die gemeente is soek
As jy ons die komende langnaweek soek en nie kry nie? Ons is by Emmarentia Geldenhuys Terrein, Bela-Bela (Warmbad) op ons gemeentekamp
Besprekings het gesluit. Nou gaan ons jol!
Gebed
Gebedsversoeke
Het jy gebed nodig? Maak nie saak hoe groot of klein jou gebedsversoek is nie, ons sal saam met jou bid vir deurbraak, genesing, krag, veerkragtigheid, leiding, wysheid of enige ander versoek wat jy mag nodig hê. Laat weet ons gerus! Enige versoeke kan vir die kerkkantoor deurgestuur word.
Plaas versoeke met 'n kontak nommer (sodat ons u beter kan ondersteun) in die gemerkte kassies by die hoofdeure in die kerk.
Bid dat ons aanlyn/virtuele eredienste egte ontmoetings met die lewende God sal wees, al is dit onder vreemde en soms moeilike omstandighede.
Vrydagoggende 5:30-6:00
Kom bid saam in die Gebedskamer. Almal welkom!
Gebedskring
Elke Sondag om 17:00 in die Gebedskamer. Almal welkom!
Gemeente Biduur
Dinsdagoggende 11:15 in die konsistorie. Almal welkom! (Nie in die skoolvakansie nie)
Kleuter en Junior Kategese
2023
Skool Kwartale (Gauteng)
1ste Kwartaal: 11 Jan tot 24 Mrt
2de Kwartaal: 12 Apr tot 23 Jun
3de Kwartaal: 18 Jul tot 29 Sep
4de Kwartaal: 10 Okt tot 13 Des
Sondag Program
08:30: Aktiwiteite Begin
09:00: Opening en Verwelkoming; Sang
09:15: Mini Diens; Sang
09:30: Klas
10:15: Kinders gaan huis toe
Voel jy geroepe om by ons Kinders betrokke te wees?
Navrae:
Sien Kontak Ons
Jeug
Barmhartigheid
Ons probeer steeds lidmate help wat dit nodig het. Enige donasies van nie-bederfbare voedsel, toiletware of 'n koevert met fondse kan by die Kerkkantoor afgegee word.
Siekes, Sterftes en Begrafnisse
Gee asseblief álle siekes, hospitaal/tuis, sterftes en begrafnisse per whatsapp/sms deur na die Kerkkantoor, Vir verdere navrae, sien Kontak Ons